Approval of Important Decisions in the Meeting of Provincial Cabinet in Sindh, Pakistan!

سندھ: صوبائی کابینہ کے اجلاس میں اہم فیصلوں کی منظوری

وزیراعلی کی زیر صدارت اجلاس میں تمام صوبائی وزراء اورمشیروں کی شرکت

جانوں کا ضیاع معاوضہ5 لاکھ روپےسے بڑھا کر10لاکھ روپے

کراچی۔ وزیر اعلیٰ سندھ سید مراد علی شاہ کی زیر صدارت وزیراعلیٰ ہاؤس میں منعقد  سندھ کابینہ کے اجلاس میں دہشت گردی کی مختلف کاروائیوں، بم دھماکے ، قدرتی آفات و تباہی  سے متاثر ہونے والے عام  شہریوں بشمول یومیہ اجرت والوں  کیلئے معاوضے کی شرح میں اضافے کی منظوری دی گئی۔ اجلاس میں تمام صوبائی وزراء ، مشیران ، چیف سیکرٹری اور متعلقہ افسران نے شرکت کی۔ وزیر اعلیٰ سندھ کی ہدایت پر محکمہ داخلہ نے مارچ 2020 میں دہشت گردی کی مختلف کارروائیوں ، بم دھماکے، قدرتی آفات و تباہیوں اور دیگر متاثرہ شہریوں کے معاوضے کی شرح پر نظر ثانی کی تجویز پر تبادلہ خیال کرنے کیلئے ایک اجلاس منعقد کیا تھا۔ آج کے ہونے والے سندھ کابینہ اجلاس میں محکمہ داخلہ نے معاوضے میں اضافے کی تجویز پیش کی جسے کابینہ نے بحث کے بعد منظور کرلیا جوکہ مندرجہ ذیل ہے:

کراس فائر کا نشانہ بننے والوں کو 5 لاکھ روپے دیا جائے گا 

دہشت گردی کی واردات سے جانوں کے ضیاع کا معاوضہ 5 لاکھ روپے سے بڑھا کر 10 لاکھ روپے کردیا گیا ہے۔ کراس فائر کا نشانہ بننے والے بے گناہ افراد کیلئے  2 لاکھ روپے سے بڑھا کر 5 لاکھ روپے کردیا گیا ہے۔ ٹارگٹ کلنگ کے متاثرین کیلئے 2 لاکھ روپے سے بڑھاکر 5 لاکھ روپے کردیا گیا ہے۔ دہشت گردانہ سرگرمیوں کی وجہ سے معمولی زخمی ہونے والوں کیلئے ایک لاکھ روپے معاوضہ کو برقرار  رکھا گیا ہے جبکہ دہشت گردی کی سرگرمیوں کی وجہ سے زخمی ہونے والے افراد کے لئے پہلے معاوضہ مقرر  نہیں  تھا۔ دہشت گردی کے واقعے کی وجہ سے مستقل معذور ہونے والے کا معاوضہ 2 لاکھ روپے سے بڑھا کر 4 لاکھ روپے کردیا گیا ہے۔ قدرتی آفات، آفات اور دیگر وجوہات کے باعث گھرانے کے کفیل کے جاں بحق ہونے والے  نقصان کا معاوضہ 1 لاکھ روپے سے بڑھا کر 2 لاکھ روپے اور وہ جوکہ گھر کا کفیل نہیں ہے کے جاں بحق ہونے کی صورت میں معاوضہ 30 ہزار سے بڑھا کر 1 لاکھ روپے کردیا گیا ہے ۔ قدرتی آفات ، آفات اور دیگر وجوہات جیسے پوری رقم / معاوضے کے ہونے والے نقصان والے خاندانوں کے معاوضے کی شرح کو 5000 سے بڑھا کر 50،000 روپے کردیا گیا ہے۔ زیادہ سے زیادہ 200،000 روپے سے مشروط اصل نقصان کے 50 فیصد کو بڑھا کر 500000 روپے کردیا گیا ہے۔ جوکہ پہلے اصل نقصان کے پچاس فیصد کو  10،000 سے لے کر 60،000 روپے تک تصور کیا جاتا تھا اسے 50،000 سے لے کر 100،000 روپے تک مقرر کردیا گیا ہے۔ اسی طرح 60،000 سے لے کر 100،000 روپے تک کے  نقصان کو بڑھاکر  100،000 سے 300000 روپے تک اور 100،000 روپے اور اس سے زیادہ کے نقصان کو بڑھا کر 300000 روپے کردیا گیا ہے۔

رواں سال اغواء برائے تاوان کے کیسوں میں اضافہ ہوا 

امن و امان: 

انسپکٹر جنرل آف پولیس مشتاق مہر نے کابینہ کو امن و امان سے متعلق پرزینٹیشن  دیتے ہوئے کہا کہ دہشت گردی کے واقعات پر مکمل طور پر قابو پالیا گیا ہے۔ انہوں نے مزید کہا کہ 2019 میں ٹارگٹ کلنگ میں 10 افراد ہلاک ہوئے جبکہ 2020 میں صرف 2 افراد کی ہلاکت ہوئی۔ 2019 میں کچھ 944 قتل رپورٹ ہوئے تھے  اور 2020 میں 786 ۔اور 2019 میں بھتہ خوری کے 75 کیسز رپورٹ ہوئے اور 2020 میں 76 جبکہ 2019 میں  اغوا برائے تاوان کے 28 کیسز رکارڈ ہوئے مگر ان میں  2020 میں اضافہ ہوا اوران کی تعداد 106 ہوگئی۔ اغوا کے واقعات میں اضافہ کی وجہ لوگوں کو ڈاکووں کے ذریعہ اپنے موبائل فون پر خواتین کی آواز میں بات کرکے لوگوں کو پھنسانا تھا۔ دیہی علاقوں میں یہ رجحان بڑھتا گیا اور اب اس پر کسی حد تک قابو پا لیا گیا ہے۔ کابینہ کو بتایا گیا تھا کہ جنوری سے 30 جون 2020 کے درمیان 3966 مفرور مجرموں اور 7934 مفرور ملزمان کو گرفتار کرکے 4297 اسلحہ اور گولہ بارود برآمد کیا گیا ہے ۔ واضح رہے کہ  ان سے 448،350 لیٹر ایرانی ڈیزل ضبط کیا گیا اور اسمگلنگ میں ملوث 186 مجرموں کو گرفتار کیا گیا ہے۔ پولیس کی کارکردگی کی تفصیلات بتاتے ہوئے آئی جی پولیس نے کہا کہ پولیس نے 749 مقابلے/انکاؤنٹر کئے اور 537 گینگز  کو پکڑا ، 8112 اسٹریٹ کرمنلز کو گرفتار کیا ، 21 اسٹریٹ ڈکیت کو ہلاک اور 6504 مجرموں کو گرفتار کیا گیا۔

سال 2020 میں 908 چور گرفتار ہوئے 6 ماہ میں سارے رہا ہوگئے 

 اسٹریٹ کرائم: 

ایڈیشنل آئی جی کراچی غلام نبی میمن نے کابینہ کو بتایا کہ  اسٹریٹ کرائم کی وجہ سڑکوں اور گلیوں میں بسنے والے منشیات کے عادی افراد ہیں۔ انھوں نے کہا کہ جب بھی منشیات کے عادی افراد کے خلاف سخت آپریشن کیا گیا تو اس کے نتیجے میں اسٹریٹ کرائم کی شرح نیچے آئی ہے۔ انھوں نے کہا کہ منشیات خریدنے والوں کا اہم ذریعہ چوری اور مجرمانہ سرگرمیاں ہیں۔  انھوں نے کہا کہ 2020 کے دوران 908 چوروں کو گرفتار کیا گیا جن میں سے 152 ایک ہفتہ کے اندر ، 114 دو ہفتوں کے اندر، 140 ایک ماہ میں، 163 تین ماہ میں، 183 چھ ماہ میں، 156 چھ ماہ سے زائد کے عرصہ میں ضمانت پر رہا ہوگئے۔ غلام نبی میمن نے بتایا کہ  اسٹریٹ کرمنلز کے خلاف 2455 شکایات درج کرائی گئیں جن میں سے صرف 475 نے ایف آئی آرز درج کرانے پر آمادگی ظاہر کی۔  وزیراعلیٰ سندھ نے آئی جی پولیس کو ہدایت کی کہ وہ  انویسٹی گیشن برانچ کو مستحکم بنائیں اور اگر ضروری ہو تو اسکے لئے علیحدہ کیڈر قائم کریں۔ انھوں نے ان پر زور دیا کہ وہ 2 جی لوکیٹرز کو 4 جی لوکیٹرز کے طور پر اپگریڈ کریں اور کرائم سین یونٹوں کی تعداد 8سے بڑھا کر 13 کردی جائے اور فنگر پرنٹ میکانزم قائم کیا جائے۔ وزیر اعلیٰ سندھ نے واضح طور پر کہا کہ وہ ان تمام متعلقہ پولیس افسران کے خلاف کارروائی کریں گے جہاں سے شخص اغوا ہوا۔ انہوں نے آئی جی پولیس کو ہدایت کی کہ وہ سندھ بھر میں بالخصوص کراچی میں ایس ایچ کو مطلع کریں کہ وہ کسی کو بھی  تجاوزات کی اجازت نہ دیں ورنہ وہ ان کے خلاف سخت کارروائی کریں گے۔

میزانائن منزل کی تعمیر کے لئے بی آر ٹی ریڈ لائن اور گرین لائن کی مشترکہ راہداری کا منصوبہ 

سیکیورٹی فیچرز نمبر پلیٹ: 

وزیراعلیٰ سندھ نے گاڑیوں کی چوری  اور غلط استعمال  کو مدنظر رکھتے ہوئے  صوبے میں سیکیورٹی فیچرز کی حامل نمبر پلیٹوں کو متعارف کروانے کیلئے 400 ملین روپے کی منظوری دی ۔

محکمہ ایکسائیز اینڈ ٹیکسیشن نے وزارت دفاع کے  ادارے نیشنل ریڈیو اینڈ ٹیلی کمیونیشن کارپوریشن  (این آر ٹی سی) کے ساتھ اجلاس منعقد کیا  ۔ این آر ٹی سی نے کہا کہ  حکومت ، قانون نافذ کرنے والے اداروں ، سیف سٹی اتھارٹیز اور نجی شعبے کے آپریٹرز کی جانب سے سڑکوں کی پولیسنگ بڑھانے ، انسداد دہشت گردی میں مجرمانہ سرگرمیوں کی نشاندہی اور نگرانی کے لئے آٹومیٹک نمبر پلیٹوں کی شناخت (اے این پی آر) تیزی سے استعمال ہوتی رہی ہے۔ نمبر پلیٹ میں اجرک اور مزار قائد کا سانچہ موجود ہے۔ کابینہ نے اس تجویز کی منظوری دی لیکن محکمہ سے ایک بار پھر کابینہ کی ذیلی کمیٹی میں اس کے حتمی فیچر  کے حوالےسے تبادلہ خیال کرنے کو کہا

وزیر ایکسائز مکیش کمار چاولہ نے کابینہ کو سیکیورٹی فیچرڈ نمبر پلیٹس کے حوالے سے پریزنٹیشن دی۔ 

بی آر ٹی کامن کوریڈور: وزیر ٹرانسپورٹ اویس قادر شاہ نے کہا کہ ایس آئی ڈی سی ایل کو برج فنانسنگ کے طور پر ایک بلین کی منظوری دی گئی ہے جوکہ  اس سے مشروط ہے کہ ان تخمینوں پر مشترکہ طور پر بی آر ٹی گرین لائن اور بی آر ٹی ریڈ لائن کے دونوں کنسلٹنٹس کے دستخط ہوں گے۔ امتیاز شیخ کے تحت کابینہ کمیٹی نے میزانائن منزل کی تعمیر کے لئے بی آر ٹی ریڈ لائن اور گرین لائن کے مشترکہ راہداری کے لئے برج فنانسنگ کی سفارش کی تھی۔ کابینہ نے ذیلی کمیٹی کی سفارش کو بھی منظور کرلیا۔

 ایس آر بی ٹیکسز تعمیراتی شعبے میں رعایت دینے کیلیے تجاویز دیں گی

تعمیراتی صنعت کے لئے ترغیبات: وزیر ریونیو ، مخدوم محبوب نے کابینہ کو بتایا کہ وفاقی حکومت نے تعمیراتی شعبے کے لئے ایک پیکیج کا اعلان کیا ہے۔ وفاقی حکومت نے تمام صوبائی حکومتوں سے درخواست کی ہے کہ وہ تمام صوبائی ، میونسپل ٹیکس ، ڈیوٹی ، فیس ، محصولات ، شہری املاک کی منتقلی / رجسٹریشن کے چارجز کو ایک ہی ہیڈ کے تحت جمع کریں اور قیمتوں کے 2 فیصد کی شرح سے ان سے وصول کریں۔

کابینہ نے اس تجویز کی منظوری دی اورسینئر ممبر بورڈ آف ریونیو کو ہدایت کی کہ وہ تمام ٹیکسوں کی حیثیت کی جانچ کریں اور  اگر قانون میں ترمیم کی ضرورت ہوتی ہے تو اسے اسمبلی کے پاس بھیج دیا جائے گا ، بصورت دیگر اس کے نوٹیفیکیشن جاری کیے جائیں۔

سندھ کابینہ نے ایکسپو فیلڈ سینٹر اور 150 بیڈیڈ ہائی ڈپینڈینسی یونٹ کے اخراجات کی منظوری دیدی

محکمہ خوراک کی کارروائی : وزیر خوراک  ہری رام نے کابینہ کو بتایا کہ ذخیرہ اندوزوں کے خلاف کاروائی شروع کردی گئی ہے اور جمعہ کی شام تک وزیر اعلیٰ سندھ کو دو دن کے آپریشن میں ضبط شدہ گندم کی مقدار کے بارے میں ایک رپورٹ دی جائے گی۔انہوں نے یہ بھی کہا کہ پولیس نے گندم سے لدے ٹرکوں کو بھی  ضبط کرنا شروع کردیا ہے۔

یو اینڈ بی:کابینہ نے کووڈ 19 کی جاری وباء کو مدنظر رکھتے ہوئےسندھ بورڈ آف ٹیکنیکل ایجوکیشن آرڈیننس  1970 اور سنٹرل انٹرمیڈیٹ اینڈ سیکنڈری ایجوکیشن آرڈیننس 1972 میں شق 1-A داخل کرنے کی منظوری دی۔  اس دفعہ کے تحت بورڈ کے پاس حکومت کے اعلان کردہ وباء یا وبائی بیماری یا ایمرجنسی پھیلنے کی وجہ سے بغیر امتحانات کے ترقی پانے والے امیدواروں کو سرٹیفکیٹ اور ڈپلوما دینے کا اختیار ہوگا۔

 سندھ کابینہ نے بغیر امتحان کے ڈپلومہ اور دیگر سرٹیفکیٹ جاری کرنے کی اجازت دیدی

آرڈیننس میں نئی شق داخل کرنے کا مقصد ان طلباء کو سرٹیفیکیٹ دینا ہے جنہیں بغیر امتحانات لیے اگلی کلاسوں میں ترقی دی گئی ہے ۔ کابینہ نے این ای ڈی یونیورسٹی آف انجینئرنگ ایکٹ میں ترمیم کی منظوری دی جس کے تحت  حسین ابراہیم فاؤنڈیشن کو این ای ڈی کے سنڈیکیٹ کے ممبر کی حیثیت نامزد کرسکتی ہے ۔ کابینہ نے ضیاءالدین یونیورسٹی ایکٹ میں ایک ترمیم کی بھی منظوری دی تاکہ وہ پاکستان سے باہر اپنے کیمپس قائم کرسکیں۔ ترمیم اسمبلی میں پیش کی جائے گی۔

 فیڈرل ریونیوٹرانسفرز: سیکرٹری خزانہ حسن نقوی نے سال19-2018 کے وفاقی منتقلیوں سے متعلق رپورٹ پیش کی۔ وزیر اعلیٰ سندھ نے کہا کہ کابینہ میں وفاقی محصولات کی منتقلی آئین کے آرٹیکل 150 (3) بی کے تحت پیش کرنے کی ضرورت ہے ، جس میں یہ لازمی ہے کہ ہر چھ ماہ بعد صوبوں میں وفاقی منتقلیوں کی تفصیلات کابینہ اور صوبائی اسمبلی کو پیش کی جائیں۔

وزیراعلیٰ سندھ نے صدر پاکستان سے  سسٹر رتھ لیوس  کو  ستارہ امتیاز دینے کی سفارش کی 

کابینہ کو بتایا گیا کہ سال 19-2018 کے لئے صوبہ سندھ کو پہلے ششماہی میں 304.3 بلین روپےٹرانسفرکیے گئے  اور سال  کے دوسرے نصف حصے میں مزید 310.069 ارب روپے منتقل کیے گئے ۔

سسٹر  رتھ لیوس: کابینہ کے آغاز میں سسٹر رتھ لیوس  کی وفات پر اُن کے سوگ میں ایک منٹ کی خاموشی اختیار کی گئی۔ وزیراعلیٰ سندھ اور کابینہ نے مرحومہ کی روح کو خراج عقیدت پیش کیا اور کہا کہ مرحومہ کی  معذور افراد کے لیے خدمات ناقابل فراموش ہیں اور تاریخ میں سنہری الفاظ کے ساتھ لکھی جائیں گی۔کابینہ نے وفاقی حکومت کو سسٹر رتھ لیوس کو سول ایوارڈ دینے کی سفارش کی۔ وزیراعلیٰ سندھ  نے کابینہ کے اجلاس کے فورا. بعد صدر پاکستان عارف علوی سے ٹیلیفون پر بات کی اور انہیں سسٹر رتھ لیوس کو سول ایوارڈ دینے کے صوبائی کابینہ کی سفارش کے بارے میں آگاہ کیا۔ صدر پاکستان  نے کابینہ کی سفارش کو سراہا اور وزیر اعلیٰ سندھ کو یقین دلایا کہ کابینہ کی سفارش کا احترام کیا جائے گا۔