After Eid, the Army will end all encroachments in Karachi.

عید کے بعد فوج کراچی میں تمام تجاوزات ختم کرے گی

گجرنالہ، کورنگی اور شاہراہ فیصل کے نالوں کی صفائی ایف ڈبلیو او کے سپرد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلی ہاؤس میں اجلاس: مرادعلی شاہ، کورکمانڈراورمتعلہ حکام کی شرکت

کراچی: حکومت سندھ ، کور ہیڈ کوارٹر کور 5 ، این ڈی ایم اے اور ایف ڈبلیو او نے مشترکہ طور پر تین نالوں  سے کیچڑ نکالنے اور ان  کی صفائی کا کام ایف ڈبلیو او کو تفویض کرنے کا فیصلہ کیا  ہے اور ساتھ ہی صوبائی حکومت کی حمایت سے ایسے تمام مقامات پر سے تجاوزات کا خاتمہ کیاجائے گا جو برساتی پانی کی   گزرگاہیں ہیں ۔ یہ فیصلہ وزیر اعلیٰ سندھ سید مراد علی شاہ کی زیر صدارت جمعہ کو ایک اعلیٰ سطحی اجلاس میں کیا گیا۔اجلاس میں وزیر بلدیات سیدناصر شاہ ، مشیر قانون مرتضیٰ وہاب ، کور کمانڈر کراچی لیفٹیننٹ جنرل ہمایوں عزیز ، چیئرمین این ڈی ایم اے لیفٹیننٹ جنرل محمد افضل ، چیف سیکرٹری ممتاز شاہ ، وزیراعلیٰ سندھ کے پرنسپل سیکریٹری  ساجد جمال ابڑو ، کمشنر کراچی افتخار شہلوانی ،سیکرٹری بلدیات روشن شیخ ، فائیو کور کے بریگیڈیئر حسین مسعود ، این ڈی ایم اے کے بریگیڈیئر حسین مسعود ،این ڈی ایم اے کے بریگیڈیئر وسیم ،  ڈی جی ایس ایس ڈبلیو ایم اے کاشف شیخ ، پی ڈی کلک زبیر چنا ، کے ایم سی کے مسعود عالم اور دیگر متعلقہ افسران نے شرکت کی۔ اجلاس میں تین نالوں کی صفائی ایف ڈبلیو او کو تفویض کرنے کا فیصلہ کیا گیا۔ اس میں گجر نالہ ضلع وسطی شامل ہے جوکہ  اپنی مکمل لمبائی  اور دیگر  رہ جانے والے کاموں اور تمام پیڈنگ نالوں کی صفائی کی ساتھ  اسے کلیئر کیا جائے گا اور گرین لائن  ڈرین کے  مسائل کا بھی تدارک کیا جائے گا۔

 

نالوں کی صفائی کی بہتری تجاوزات کا خاتمہ ضروری ہے، وزیر اعلی

سی بی ایم نالہ ، ضلع کورنگی

ایف ڈبلیو او شاہراہ فیصل پر  برسات کے پانی کے نالوں کو صاف کرے گی  اور دونوں اطراف کے ساتھ ملحقہ تنگ مقامات جیسے (ایف ٹی سی ، نرسری ، گلشنِ ظفر ، ٹیپو سلطان روڈ ، کارساز ، ڈرگ روڈ ، اسٹار گیٹ)نالوں سے کیچڑ نکال کر ان کو  جام چکرو اور ٹی پی ون کے ڈمپ سائٹس پر پھینک دیا جائے گا۔

محکمہ بلدیات پاک فوج اور رینجرز کے تعاون سے نالوں کے پشتوں سے تجاوزات کا خاتمہ کرے گی تاکہ بارش کا پانی ان نالوں میں آسانی سے بہہ سکے۔

کے ایم سی نالے: اجلاس کو بتایا گیا کہ کے ایم سی کے پاس 38 نالے ہیں اور ان سب کو ورلڈ بینک پروجیکٹ ، ایس ڈبلیو ای پی کے تحت صاف کیا جارہا ہے۔ کے ایم سی کے علاوہ ، ڈی ایم سیز کے پاس 514 چھوٹے نالے  ہیں اور ڈی ایم سیز ان نالوں کو صاف کرنے کی ذمہ دار ہے کیوں کہ سندھ حکومت  نے انہیں اضافی فنڈز  فراہم کرتی ہے ۔ شہر میں کنٹونمنٹ اور کے ڈبلیو ایس بی کے کچھ نالے ہیں۔ سندھ حکومت کے ایم سی کو نالوں کی صفائی کے لئے فنڈز مہیا کرتی ہے۔

مسائل: حالیہ مون سون کے تین اسپیل ہوچکے ہیں جس میں ایک گھنٹے سے بھی کم وقت میں 63 سے 86 ملی میٹربارش ہوئی ۔  وزیر اعلیٰ سندھ نے مزید کہا کہ شہر کے موجودہ انفراسٹرکچر میں30 منٹ کی بارش میں  25 سے 30 ملی میٹر تک برداشت کرنے کی گنجائش ہے۔

سیوریج  سسٹم کو جدید سسٹم سے اوپن کرنا ہوگا، کورکمانڈرکراچی

مراد علی شاہ نے بتایا کہ لیاقت آباد ، شیر شاہ سوری روڈ ، جہاں نالے میں گرین لائن انفراسٹرکچر کے ستون تعمیر کیے گئے ہیں ،جس کے باعث علاقوں میں بارش کا پانی جمع ہوا۔ اورنگی نالہ کے آخری حصے میں  کشمیر کالونی، گلستانِ جوہر جہاں تجاوزات ہیں جس کی وجہ سے صفائی کے کام میں رکاوٹ پیش آئی ۔ پی ای سی ایچ ایس سے ملحقہ گلشن ظفر میں بھی تجاوزات ہی بنیادی وجوہات ہیں۔ کورنگی کا زمان ٹاؤن جس میں تجاوزات کے معاملات ہیں اور پولیس لائن میں سولجر بازار نالے  میں  جان بوجھ کر بھاری پتھر ڈال کربندکردیا گیاتھا۔

بارش کی صورتحال: 17 جولائی کو پی اے ایف فیصل بیس اسٹیشن پر ایک گھنٹے کے اندر 63 ملی میٹر سے زیادہ بارش ہوئی۔ گلشن ظفر میں تجاوزات کی وجہ سے رومی مسجد میں چند گھنٹوں کے لئے پی ای سی ایچ ایس اور شاہراہ فیصل چوک ہونے کی صورت میں دو فٹ پانی  جمع ہوا۔  زمان ٹاؤن میں تجاوزات کی وجہ سے علاقہ دو فٹ زیرآب آگیا۔ پچھلے سال کے مسائل کا شکار  بیشتر علاقے معمول کے مطابق رہے کیونکہ ان کے مسائل پر توجہ دی گئی تھی۔

ہمیں سیوریج  سسٹم  کو برساتی پانی  سسٹم سے الگ  کرنا ہوگا؛ وزیراعلیٰ سندھ 

26 جولائی: 26 جولائی کو بارش کے پانی کے نتیجے میں ایک گھنٹے کے اندر 86 ملی میٹر سے زیادہ بارش ہوئی۔گلستان جوہر میں سیلاب کی صورتحال ہے جہاں پر ایک نجی تعلیمی ادارے نے نالوں پر تجاوزات قائم  کر رکھی ہیں ، لہٰذا  وہاں سے پانی نہیں  نکالا جاسکا۔ وزیر بلدیات سید ناصر شاہ نے کہا کہ گرین لائن کے ڈھانچے نے گجر نالہ میں پرانے نکاسی آب کے نظام کو منقطع کردیا ہے جس کی وجہ سے اس علاقے میں پانی آرہا ہے ، انہوں نے مزید کہا کہ سولجر بازار نالہ جان بوجھ کر بڑے پتھروں اور دیگر سامان پھینک کر چوک کیاگیا ۔

27 جولائی: 27 جولائی کو موسلا دھار بارش غیر معمولی تھی ، ایک گھنٹہ میں ہی 74 ملی میٹر سے زیادہ بارش ہوئی۔ اورنگی اور گجر نالہ پہاڑی ندیوں سے جاری پانی  کی وجہ سے سیلابی صورت اختیار کرگیا۔  گرین لائن ڈھانچے نے ایک بار پھر کے ڈی اے ، سخی حسن اور ناگن چورنگی پر پانی جمع ہونے کے ساتھ گجر نالہ میں بہنے والے نالے کو روک دیا۔ اورنگی نالہ میں موسلادھار بارش میں کشمیرمحلہ (آخری سرے۔ نشیبی حصے میں  کچی آبادی) لپیٹ میں آگیا۔

ورلڈ بینک کی معاونت : شہر میں سالڈ ویسٹ اکٹھا کرنے / ضائع کرنے کے نظام میں بہتری لانے کے لئے عالمی بینک کی معاونت کے بارے میں گفتگو کرتے ہوئے مراد علی شاہ نے کہا کہ ورلڈ بینک سویپ اسکیم کلک پراجیکٹ میں  نالوں کی  صفائی کو بھی شامل کیاگیا ہے ۔وزیراعلیٰ سندھ نے کہا کہ   حکومت سندھ نے اپنے ذرائع سے 8.0 ملین امریکی ڈالر کے برابر رقم کی سرمایہ کاری کی ۔ سندھ حکومت نے 200 ملین روپے جاری کردیئے   ہیں تاکہ نالوں کی صفائی میں کوئی تاخیر نہ ہو۔

پری پوسٹ کلینگ صورتحال: گجر نالہ ضلع وسطی ، محمود آباد نالہ ضلع وسطی ، سونگل نالہ ، ضلع ملیر / ایسٹ ، سولجر بازار ، سٹی نالہ ، پچر نالہ ، کلری نالہ ضلع جنوبی کو صاف کردیا گیا ہے۔ 29 جولائی 2020 سے سات اضلاع سے 3966193 ٹن کیچڑ کو تلف کیا گیا ہے۔ ان میں وسطی سے 822995 ٹن،973009 غربی ، 368309 جنوبی -1 ، 664631 جنوبی -2 ، 804279شرقی ، 187937ملیر اورکورنگی شامل ہیں

کور کمانڈر کراچی اور چیئرمین این ڈی ایم اے نے وزیر اعلیٰ سندھ کو یقین دلایا کہ وہ نالوں اور گرین لائن منصوبے کے ڈیزائن کے نقائص کی اصلاح کے لئے حکومت سندھ کے ساتھ تعاون کریں گے ۔ حکومت سندھ نے بھی یقین دلایا کہ نالوں کے ساتھ تجاوزات کے خاتمے میں معاونت کی جائے گی۔ وزیراعلیٰ سندھ نے کور کمانڈر کراچی اور این ڈی ایم اے کی حمایت اور تعاون  پر ان کا شکریہ ادا کیا۔