Pakistan's Independence Day was celebrated in the sea of ​​Jeddah, the cake was also cut

جدہ میں سمندرکے اندرپاکستان کا جشن آزادی منایا گیا

ڈائیوریحیی اشفاق نے بحیرہ احمرمیں پاکستانی، سعودی اورشامی نوجوانوں کے ہمراہ کیک بھی کاٹا 

 سمندرکے اندرپاکستان اورسعودی عرب کے پرچم لہرائے دلی وابستگی کا اظہارکیا 

 پاکستانی جوانوں عمرجان،حسن بخش اور فائزکے ساتھ 2 سعودی اور1 شامی نوجوان بھی مہم کا حصہ بنا 

ڈائیونگ ٹیم نے سمندر کے اندر اذان  دی اورنماز بھی پڑھی  

ڈائیونگ ٹیم کی مہم کی ویڈیو بھی دیکھیں اس رپورٹ میں 

ڈائیونگ ٹیم کیک اٹھائے سمندر کے اندر جاتے ہوئے 

 دنیا بھر میں پاکستانی جہاں کہیں بھی موجود ہیں وہ کورونا کی وبا میں بھی احتیاطی تدابیر کے ساتھ اپنے انداز میں جشن آزادی منا رہے ہیں۔ جدہ میں موجود پاکستانی ڈائیور یحیی اشفاق نے منفرد انداز میں جشن آزادی منایا ہے۔

ڈائیور یحیی اشفاق جمعے کو جدہ میں بحیرہ احمر کے ساحل کے قریب تین پاکستانی نوجوانوں عمرجان،حسن بخش اور فائز، دو سعودیوں اور ایک شامی ساتھی کے ہمراہ زیرآپ پاکستان او سعودی عرب کے پرچم لہرائے اور کیک کاٹا۔ پاکستان کے ساتھ اپنی دلی وابستگی کا اظہار کیا۔ 

پاکستانی اور سعودی نوجوانوں کے ساتھ سات برس کے چھوٹے بچے باسل نے بھی ڈائیو کرکے وہاں موجود لوگوں کو حیران کردیا۔ تمام غوطہ غوروں نے اپنی اس کاوش کو کورونا وائرس کے خلاف فرنٹ لائن پر موجود ڈاکٹر اور طبی عملے کے نام کیا ہے ۔تمام ڈائیورز نے فرنٹ لائن ورکرز کی کٹ پہن رکھی تھی۔

انہوں نے کہا کہ اپنےدوستوں کے ہمراہ ہر سال پاکستان کا یوم آزادی اس منفرد انداز کے ساتھ منا رہا ہوں اور کورونا کی وبا میں بھی یہ روایت برقرار رکھی ہے۔ اس کا ایک  مقصد کورونا وائرس سےآگہی بھی تھا ۔