Pakistan Secure Second Straight Win as Day Two of IMC Over-40s T20 World Cup Concludes Karachi ( Sports Reporter ) The day two of the IMC Over-40s T20 Cricket World Cup 2025 saw Pakistan registering their second consecutive victory and UAE’s Malik Qamar Abbas creating history with the tournament’s first century. At the National Bank Stadium Karachi, Pakistan defeated Hong Kong by 57 runs to maintain their unbeaten run. Batting first, Pakistan posted an impressive 192 for 4. Vice-captain Fawad Alam led the charge with a brisk 56 from 28 balls, supported by Tariq Mahmood’s 46 off 27. In response, Hong Kong managed 135 for 6 in their 20 overs. Mohammad Suleman claimed 3 for 35, while Zulfiqar Babar took 2 for 16. Fawad Alam was named Player of the Match. At Southend Club, the UAE overcame West Indies by five wickets, driven by a magnificent unbeaten 100 from Malik Qamar Abbas. His 57-ball knock, featuring 11 fours and five sixes, made him the first centurion of the Over-40s T20 World Cup....
کرکٹر فخرزمان کیلیےپاک بحریہ میں اعزازی لیفٹیننٹ کاعہدہ
سربراہ پاک بحریہ ایڈمرل محمد امجد خان نیازی نے فخرزمان کو بیج لگائے
فخر زمان نے2007 میں نیوی میں شمولیت اختیار کی
فخرزمان نے 2017 میں پاکستان میں چیمپیئنز ٹرافی جتوانی میں اہم کردار ادا کیا
اسلام آباد ۔ چیف آف دی نیول اسٹاف ایڈمرل محمد امجد خان نیازی نے کرکٹ کے میدان میں شاندار کارکردگی اور پاک بحریہ سے وابستگی کی بنیاد پر معروف کرکٹر فخر زمان کو پاک بحریہ کے اعزازی لیفٹیننٹ کا رینک تفویض کردیا۔ اس ضمن میں نیول ہیڈکوارٹرز میں ایک خصوصی تقریب منعقد کی گئی۔
فخر زمان پاک بحریہ کے سابق سروس مین ہیں۔انھوں نے پاک بحریہ کی آپریشنز برانچ میں2007 میں بطور سیلر شمولیت اختیار کی۔ سروس کے اوائل ہی میں اُن کی کرکٹ سے لگن اور بیش بہا ٹیلنٹ کو سراہا گیا۔ فخر زمان نے کئی مقابلوں میں پاک بحریہ کی بہترین نمائندگی کی اور پاک بحریہ کے لیے کئی اعزازات حاصل کیے۔ فخر زمان نے اپنا پہلا بین الاقوامی میچ بھی 2012 میں پاکستان نیوی کے پلیٹ فارم سے کھیلا اور آسٹریلیا میں ہونے والے بین الاقوامی ڈیفنس کرکٹ چیلنج کپ 2012 میں ٹورنامنٹ کے بہترین کھلاڑی کا اعزاز حاصل کیا۔ اُن کی اعلیٰ کارکردگی کی بنیاد پر انھیں چیئرمین جوائنٹ چیفس آف اسٹاف کمیٹی کی جانب سے سندِتحسین بھی دی گئی۔
فخر زمان نے 2018 میں تیزترین ہزار رنز بنائے
ون ڈے انٹرنیشنل میچ میں پاکستان کی جانب سے پہلی ڈبل سینچری بنائی
پاک بحریہ نے فخر زمان میں غیر معمولی ٹیلنٹ اور کرکٹ سے لگاؤ کو دیکھتے ہوئے انھیں اپنا کیرئیر کرکٹ میں آگے بڑھانے اور پاکستان کی قومی کرکٹ ٹیم کا حصّہ بننے کا موقع فراہم کیا۔ اپنے کرکٹ کے کیرئیر میں اُن کی بڑی کامیابیوں میں 2017 میں آئی سی سی چیمپئنز ٹرافی میں بھارت کے خلاف میچ جتوانے والی سنچری بنانا شامل ہے جس میں انھیں ’مین آف دی میچ‘ کا اعزاز بھی ملا۔ اس کے علاوہ سال 2018 میں انھوں نے صرف 18میچز میں تیز ترین 1000رنز بھی بنائے۔ 2018 میں وہ ون ڈے انٹرنیشنل میچ میں ڈبل سنچری اسکور کرنے والے پہلے پاکستانی بنے اور انھوں نے 304 رنز کی اوپننگ پارٹنرشپ اسکور کرنے کا ریکارڈ بنایا۔ فخر زمان نے لگاتار پانچ ون ڈے سیریز میں 512 رنز بنا کر ورلڈ ریکارڈ قائم کیا۔ قومی T-20 ٹورنامنٹ میں انھیں بہترین کھلاڑی اور بلے باز کا اعزاز بھی دیا گیا۔
قبل ازیں، تقریب سے خطاب کرتے ہوئے چیف آف دی نیول اسٹاف ایڈمرل محمد امجد خان نیازی نے اعزازی لیفٹیننٹ فخر زمان کو پاکستان کرکٹ کے لیے اعزازات حاصل کرنے پر مبارکباد پیش کی۔ انھوں نے کہا کہ پاک بحریہ اسکواش، سیلنگ، ہاکی، فٹ بال سمیت متعدد کھیلوں کے فروغ میں معاونت فراہم کررہی ہے اور کئی کھلاڑی پیدا کرچکی ہے۔ جنھوں نے پاکستان کے لیے اعزازات حاصل کیے ہیں۔ انھوں نے مزید کہا کہ پاک بحریہ قومی اور بین الاقوامی سطح پر کھیلوں کے فروغ میں اپنا کردار ادا کرتی رہے گی۔
اعزازی رینک تفویض کرنے کی تقریب میں عسکری و سول حکام، پی سی بی کے عہدیداران، سابق کرکٹرز اور فخرزمان کے اہلِ خانہ نے شرکت کی۔
Comments
Post a Comment